Prostatiti

Çfare është Prostatiti?

Prostatiti është inflamacion (infeksion,pezmatim) i prostatës.Prostata është një gjëndërr që ka rol në riprodhim dhe lokalizohet nën fshikëzen urinare.Gjendet vetëm te meshkujt.

Etiologjia

Shkaktarët më të shpeshtë të prostatititjanë :E.coli,Proteus,Pseudomonas Aeuroginosa,Enterobakter dhe Klebsiella.

Rrugët e infektimit

Prostatiti më së shpeshti shkaktohët si pasojë kalimit (ngjitjes) të bakterieve nga uretra përmes duktusit (gypit) ejakulator deri në prostatë.
Rrugë më e rrallë e prostatitit është përhapja e bakterëve nga ndonjë fokus infeksioni në organizëm (si abces,sinuzit,otit etj…) përmes gjakut deri në prostatë.

Faktorët e rrezikut

Faktorë rreziku për infeksionin të prostatës janë:

  • Mosha e re ose e mesme

  • Infeksioni i mëhershëm i prostatës

  • Infeksioni i fshikëzes urinare ose i duktusit (gypit) ejakulator

  • Lëndimet e pelvikut në aksidente të ndryshme

  • Pirja e sasive të vogla të ujit (dehidrimi)

  • Përdorimi i kateterit urinar për kohë të gjatë

  • Marrëdhëniet seksuale të pambrojtura

  • Infeksioni me HIV

  • Stresi

Pasqyra klinike

  • Ethe, temperaturë, plogështi, mundim dhe vjellje

  • Djegie ose dhëmbje gjatë urinimit

  • Pengesa në urinim

  • Urinim i shpeshtë

  • Nevojë urgjente për urinim

  • Dhëmbje barku,ijeve dhe pjesëve të poshtme anësore të shpinës

  • Dhëmbje në regjionin në mes skrotumit dhe rektumit (dhëmbje perineale)

  • Dhëmbje në penis dhe testikuj

  • Ejakulim i shoqëruar me dhëmbje

Diagnostifikimi

Për diagnostifikim të prostatiteve përpos marrjes korrekte të anamnezës dhe të dhënave për pasqyrën klinike,shërbehemi edhe me disa ekzaminime tjera si:

  • Analizë urine

  • Urinokultura

  • Testet urodinamike të fshikëzes urinare (uroflow)

  • Ekzaminimi digitorektal (tushe rektale)

Mjekimi

Mjekimi i prostatiteve bëhet me:

  • Antibiotikë (Fluorokinolonet,Co-Amoxiclav,Nitrofurantoin )

  • Alfa-bllokatorë (Tamsulosin, Alfuzosin etj )

  • Barnat antiinflamatore jo steroide (Diclofenac,Brufen )

Komplikacionet

Prostatiti mund të komplikohet me:

  • Depërtim të bakterieve në gjak (bakteremi)

  • Infeksioni i Epididimit (Epididimitis)

  • Grumbullim i qelbit në prostatë (abces prostate)

  • Infertilitet

  • Rritje e PSA (Prostate Specific Antigen )

DR. AJET XHAFA
DR. AJET XHAFAKirurg Urolog
Dr. Ajet Xhafa është kirurg urolog me eksperiencë. Studimet i ka perfunduar në liceun ushtarak “Maltepe Askeri Lisesi”, në Izmir të Turqisë. Punon në “Spitali Amerikan” në Prishtinë.

Rezervo Takim me Doktorin

Faleminderit për interesimin tuaj. Duke klikuar linkun më poshtë ju mund të komunikoni me mua drejtpërdrejt dhe të caktoni një takim.
Ju do të kontaktoheni nga unë sa më shpejt që të jetë e mundur.

    ORARI I PUNËs

    E Hënë – E Premte 9:00 – 16:00
    E Shtunë 9:00 – 11:00
    Termine në spital:

    +383 (0) 38 221 661